KRALENDIJK – Na 2012 a kuminsá un investigashon penal di trafikashon di hende na Pachi’s Place. Na 2013 tabatin tres detenshon. Tambe e kompania ku tabata eksplotá Pachi’s Place a keda konsiderá komo sospechoso. Na 2015 e kaso a bai korte pa promé biaha.

Pa motibu ku mester a skucha testigu na Colombia, a pidi koperashon di outoridatnan di hustisia Colombiano. Na 2017 a risibí e resultadonan i esaki a duna motibu pa hasi un investigashon adishonal na Colombia. Dor di traskurso di tempu te ku aworaki i e resultado insigur ku e investigashon adishonal di Colombia a duna, Minsterio Públiko (OM) a será un akuerdo ku tur e kuater sospechosonan. Di e manera aki ku konsentimentu di tur partido, a pone un fin na e kaso penal. Relashoná ku privasidat no ta duna informashon tokante kontenido di e akuerdo. Mirando e traspaso di tempu, Korte, basá riba demanda di Ministerio Públiko mes, a deklará OM no atmisibel.

Share This
error: Content is protected !!