KRALENDIJK – Djasabra mainta trempan, un aksidente di tráfiko a tuma lugá pabou di aeropuerto Flamingo na altura di Playa Pal’i Mangel òf den boka di pueblo ‘Donkey Beach’. Pa motibunan ainda deskonosí shofùr di un outo blanku a pèrdè kontròl i bòltu e vehíkulo.

Mester menshoná aserka ku outoridatnan polisial no ta na altura di e aksidente di tráfiko aki. Warda di polis no a risibi ningun notifikashon. Esun òf esnan envolví lo mester a bandoná e sitio despues di a bòltu e vehíkulo. Informashon ku Live99 ta disponé di dje ta indiká ku no tabatin herido.

Share This
error: Content is protected !!