KRALENDIJK – Radio Live 99.9 FM a papia ku Sabine Curiel, bosero di Curoil kende a papia entre otro tokante e situashon di bòter di gas chikitu.

Tin algun kambio na Kòrsou ku por tin konsekuensia pa Boneiru, sinembargo pa awor e situashon na Boneiru ta stabil. Momentu ku tin kualke kambio nos di Curoil lo informá. Debí na e problema tékniko ku a surgi na Kòrsou na luna di desèmber, a pone ku tin skarsedat di bòter di gas chikitu na Kòrsou i Boneiru. Entretantu a resolvé e situashon i poko poko tur kos ta stabilisá. E bòternan di 20 liber tabata kana rápido i tabatin poko skarsedat.   

Bòter di gas 100 liber no tin problema di skarsedat.

Loke tin nos atenshon ta e stashon pa por yena gas na Boneiru. Momentu ku esaki bira realidat, e problema sigur ta bira muchu ménos i ku ménos chèns ku e gas ta kaba riba e isla pa loke ta trata bòter chikitu. Pues ta bai instalá un stashon pa por yena gas na Boneiru. Den e di 3 kuartal di 2020, si tur kos kana segun plan, ta inougurá e sitio kaminda ta bai yena gas na Boneiru. Nos lo keda informá komunidat di e situashon pa asina pueblo ta na altura e desaroyonan na Curoil. 

Share This
error: Content is protected !!