KRALENDIJK – Ayera djaweps 9 di januari 2020, manera ta kustumber tur komienso di aña, gezaghèber di Boneiru Edison Rijna a invitá pueblo di Boneiru pa topa riba patio na ofisina prinsipal di gobièrnu. Hopi hende tabata presente, i áwaseru a perkurá pa tur hende tabata algun momentu bou di tènt i dak pa skonde. Durante e aktividat gezaghèber Rijna a dirigí palabra i entre otro el a menshoná ku Boneiru ta den bon desaroyo. Tin hende ku no ta gosa di e bon kresementu ekonómiko riba e isla, sinembargo huntu nos mester yuda otronan pa nan ta kosecha fruta di e bon benefisio. Gobernadó di hermana isla Kòrsou ta referí na Boneiru komo ehèmpel. Nos mester realisá ku kos ta bon pa nos.    
2020 sigur ta trese mas kos bon pa Boneiru. Laga nos huntu traha pa un mihó Boneiru,” gezaghèber Rijna a menshoná. E reportero di radio Live 99.9 FM kende tabata presente durante e aktividat, por a tende for di diferente persona, bon komentario tokante gezaghèber. “Boneiru tin un bon gezaghèber. El a pasa den tempu difísil, loke algun gezaghèber den pasado no por a surpasá. Ketubai e tei. Nos ta deseá pa e ta mas aña okupando e posishon. Un persona den komunidat i no alegá for di e suidadano,” tabata entre otro algun komentario di esnan presente e anochi.

Kombinashon di potrèt ta ilustrá kon e anochi tabata.

Share This
error: Content is protected !!