KRALENDIJK – Habitantenan di Republiek ta remarká kondishon di e kayanan den e bario ku ta den un estado deplorabel. Ta trata di entre otro kaya Jasinto, kaya Amatisia i kaya Rubi. Kaya Amatisia spesífikamente tin un kanal práktikamente e kaya kompletu. Momentu di yobida, awa ta kore den e kaya for di ariba te abou, loke ta krea un kanal hundu. Pa por trafiká den e kaya ta rekerí un vehíkulo grandi, haltu i ku bon tayer. Si esaki no ta e kaso, evitá di pasa den e kayanan ariba menshoná. E situashon ta rekerí atenshon. Simplemente yena poko diabas por solushoná e kaya temporalmente,” nan a menshoná.

Share This
error: Content is protected !!