KRALENDIJK – Jean Charls A. a tene relashon seksual ku 3 menor di edat i a bisa hues e no tabata sa ku ta algu kastigabel.  

“Momentu ku e kos a sosodé mi tabatin gana sinembargo despues el a duelmi loke a pasa,” akusado a konta. Hues Gruijters a papia ku e akusado riba e diferente kasonan ku a tuma lugá entre otro sèks ku menor di edat i kontra deseo den outo. E akusado a nenga ku el a tene relashon seksual ku un di e muchanan. Simplemente a deklará algu ku no a sosodé, akusado a konta. Hues a bis’é: ”Kiko bo ta pensa di hasi sèks ku un mucha di 12 aña i sake na estado?

Fiskal J. Blanco a bisa e akusado ku e no tabata sa ku sèks ku mucha menor di edat 16 òf 12 aña ta kastigabel. Fiskal a konta loke e mucha di 14 aña a deklará kon tur kos a sosodé. Tin un daño di pèrwisio di algu mas ku 4 mil dòler.

Fiskal a trese su rekisitorio i a menshoná e muchanan menor di edat ku e tabata tene relashon kuné. El a bisa segun e deklarashon di loke e muchanan a deklará, ta bèrdat. “Mi no ta duda ku bo a tene relashon ku tur 3 mucha. Djis imaginá ku e muchanan a tene relashon ku un hòmber mas ku dos bes mas grandi ku nan. Bo tabata kore ku outo di bo mayornan i konvensé e muchanan pa hasi sèks ku nan. Mi ta pidi un kastigu di 5 aña di prison i algu mas ku 4 mil dòler daño di perwisio,” fiskal J. Blanco a bisa.

Abogado E. Winkel a defendé su kliente i el a bisa entre otro ku no ta kla si el a tene relashon seksual ku e mucha muhé di 16 aña.

Lastu palabra di akusado: ”Mi ta aseptá ku mi a faya i ta tuma e 5 aña di kastigu. Mi ta respetá fiskal ku loke el a pidi p’ami”.  

Despues ku hues a tuma un momentu di pouze, el a regresá i kontinuá i a dikta sentensia di e kaso. “Mi ta di akuerdo ku loke fiskal a pidi pa bo. E outo ta keda konfiská, debí ku e ta forma parti di loke a sosodé. 48 luna kastigu di prison i mester paga e daño di perwisio di algu mas ku 4 mil dòler. 

Share This
error: Content is protected !!