KRALENDIJK – Trahadónan di e kompania di konstrukshon ‘Haafkes Bouw Bonaire’ awe mainta hopi rabiá a pone trabou abou. E situashon ta fastioso pa trahadónan di e kompania ariba menshoná, ku ta trahando riba e proyekto di Chogogo. Ta trata di e hotèl nobo ku ta den konstrukshon kaminda ántes tabata ‘Hotel Bonaire’. Ya pa 6 luna ta un trastòrnu pa haña sèn, trahadónan a menshoná momentu ku un reportero di Radio Live 99.9 FM tabata presentá na e sitio.  “Ronald kada bia ku ta bisa algu i no ta presentá pa nos papia kara ku kara tokante nos sèn. Awe ta djarason 1 di aprel i nos no a risibí e pago di luna di mart. Ronald a bisa e ta pasa ayera pa un reunion ku trahadónan nos no a mir’é, miéntras trabou ta sigui. Awe nos a disidí di pone trabou abou i ke nos sèn. No ta kla pa tende niun storia, “trahadónan hopi desgustá a menshoná. Awe tin plania pa bashamentu di betòn i por a tuma nota momentu ku e reportero di Radio Live 99.9 FM tabata na e sitio ku preparashon a kuminsá e mainta. Ekipo grandi di e kompania ku ta basha betòn a presentá. Trahadónan a pone nan na altura ku nan a pone trabou abou, pues nan no ta yuda ku nada relashoná ku basha mentu di betòn. “A palabra pa basha betòn i kon ta ku e salario di trahadónan? E asuntu aki no tin di aber ku vírùs di ‘corona’. Ya ta hopi luna tin ku e kompania ‘Haffkes Bouw Bonaire’ ta purba pa no paga trahadó. Nos tin kompromiso pa kumpli kuné i tur luna ta un problema pa risibí salario pa por kanselá nos debe nan personal. Kada bia Ronald ta presentá despues di fin di luna i ta mustra riba su telefon ku e sèn a pasa, sinembargo ta dura hopi dia despues pa realmente e sèn ta riba kuenta di trahadónan,”nan a menshoná. Ronald ta hopi arogante i nos ta sinti ku e ta hasi komo si fuera e ta sinta riba trono i trahadónan ta su katibu. Sèmper e ta presentá ku un arogansia serka trahadónan. 2 siman pasa a para trabou pa e mes un problema tokante sèn, awe mes un situashon,”trahadónan a menshoná hopi rabia. Tin di nan a menshoná ku nan ke sèn i no ta kontinuá trahando pa e kompania.  

Share This
error: Content is protected !!