LUS DI SALTÁ RIBA SERI MONTAÑA (SERU LARGU)

Written by on

Último artíkulo relashoná ku storia di spiritu òf eksperensia straño pa 2020. Si tin un òf mas persona ku ke konta nan eksperensia por hasié libramente i 2021 ku Dios ke nos ta kontinuá den temporada di kuaresma, publikando e storianan.

Un kombersashon ku Papi Cicilia, persona bon konosí den komunidat.

Papi a konta tokante algun kos ku el a pasa den i loke otronan a yega di kont’é.“ Kada hende ta bisé na nan manera, esta ku a mira spiritu,kos malu òf a sinti algu straño.

Ami a eksperensia na diferente okashon e fenómeno konosí na Boneiru, esta e lus ku nan ta yama saltá. E lus ta bon konosí na Boneiru. Hopi a yega di mir’é, na diferente área e ta paresé entre otro, na Bolivia,Wekuwa,Playa Frans,Rincon lagun i tambe den bisindario di saliña. Ekspertonan ku no ta kere den e kos, a hasi algun investigashon,i a bisa ku den e área rondó di Boneiru tin hopi ‘magnetis velt’ i p’esei ta mira e lus, sinembargo no ta nada straño e ta, simplemente reflekshon di lus ku solo ku tera etcetera. Esei ta loke nos ta mira. Nan ta bisa asina, pasobra nunka nan a mir’é.

Mi mes a mira e lus, esta saltá na diferente okashon, ami so i huntu ku mas hende.   
Un biaha riba seri montaña promé ku a traha kaminda aya riba, mi a mira e lus, tambe un biaha ami i Jan ‘Janchi’ Crestian di WEB, nos a bai piska den Boliva i nos a mira e lus, i el a bisa ta un outo ta yegando serka nos, kasi sigur tin mas hende ta bin pa piska. E siguiente dia nos a bai piska i bolbe mira e lus, i e ora ei mi a bisa Janchi ku e lus ei ta loke nan ta yama saltá. E no ta un outo pasobra e kaminda ta yen di bògt i e lus ta kore stret. E lus ta otro for di lus di outo, e ta manera un bala di lus i no ta tira klaridat. Ami personalmente no tin miedu di dje, e ta algun benigno i no maligno,”Papi a konta. Papi a kontami diferente otro eksperensia mas entre otro di e konosido “Lagaru” visibel na diferente parti di Boneiru. 2021 ku Dios ke mi lo kompartí nan ku boso. Pa awor te aki.

Share This

Current track

Title

Artist

error: Content is protected !!