KRALENDIJK – Djadumingu algun minüt promé ku 7’or di anochi un shafer a pèrdè kontròl i a drenta kura di un kas. Poko despues ku pasa warda di polis bieu na entrada di Rincon, riba kaya Minguel Pourier e outo a dal den asera i drenta kura di un kas. E shafer no a herida su mes den e aksidente. E outo a subi asera drenta mondi parsialmente i despues drenta kura di un kas, pasa pega ku muraya di e kas. E vehíkulo a dal den un palu den kura di e kas, mei mei di un otro vehíkulo i un stapel di blòki. E outo a haña hopi daño material. Polis a presentá na e sitio i a atendé loke a sosodé. E shafer a konta polis ku el a pèrdè kontròl i esei tabata kousa di e aksidente. Potrèt ta duna bista loke a sosodé.   

  

Share This
error: Content is protected !!