GEZAGHÈBER TA KONFIRMÁ PROMÉ KASO “CORONA VIRUS” NA BONEIRU

Written by on

KRALENDIJK – Despues ku Aimed Ayubi di Radio Live 99.9 FM a menshoná pa medio di “Breaking News” ku Boneiru tin e promé kaso di vírùs di ‘corona, gezaghèber papia ku komunidat. Gezaghèber Edison Rijna konfirme i splika kiko a sosodé tokante e promé kaso di Covid -19 ‘corona virus’. “E persona a bin for di Aruba i momentu el a yega Boneiru E no a atendé ku hende òf solamente algun. A tuma nota di e hendenan ku tabata den kontakto kuné, i no tin mas kaso. E persona ta bon isolá i ta rekuperando stabil. A tèst e persona varios biaha unda ku e resultadonan no tabata ni negativo ni positivo, pues inkonkluso. Ya tabatin medidanan pa tur hende riba Boneiru. E chèns ta práktikamente imposibel pa e vírùs a plama riba e isla. Mantené distansha, no aglomerá na niun sitio. Sigur ku e bon kumplimentu. Huntu nos ta kontra korona. No bai hasi kompra ku ansha kumpra hopi kos. No ta nesesario. Pa awor no ta bai tin “lock down” riba e isla di Boneiru, ”gezaghèber Rijna a menshoná.  

Riba pregunta nan a menshoná ku ta kontinuá ku e drive ‘true test’ riba vírùs di ‘corona’. Tèst nan ku ta hasi na Boneiru ta bai Kòrsou i no mester bai Hulanda pa tèst si e ta positivo òf negativo pa vírùs di ‘corona’. E persona infektá ku vírùs di ‘corona’ na Boneiru no ta un persona ku ta kore riesgo pa ta kritiko i e ta stabil na e momentu aki. Tur kos ta kontinuá manera ta awor ku e mes un reglanan. No tin niun kaso mas di vírùs di ‘corona’ na Boneiru te awe 16 di aprel, solamente 1. Otronan ku a pasa e tèst a sali negativo.  

Share This

Current track

Title

Artist

error: Content is protected !!