Awe nochi den kareda di 11 pm outoridatnan polisial y douane a sera un parti dilanti waf Chicu Mercelina pa atende ku un kaso poko pekuliar.
Un dama estranhero ku lo a bini Boneiru den un boto y ku lo tin alzheimer lo mester a bandona e boto sin ku famia nan sa.
Esaki lo mester a sosode den kareda di 7pm awe nochi.
E dama lo mester a kana di harbour village te na altura di parke dilanti waf Chiku Mercelina e tabata tin duikbril y zwemvin huntu kune.
Douane y polis ku a komunika kune no tabata konfia e kos masha.
E dama lo tabata papia poko kos brua ku nan y hasta lo mester a bisa nan ku e tin corona virus.

Douane y polis a buska pa sa ta for di kua boto ela baha.
Despues di un rato ku e investigashon ta andando y ku nan a duna e dama ordu pa keda sinta kaminda e ta su so na altura di e monumento na pia di waf,nan a logra drenta den kontakto ku su yu.
E yu a splika ku nan a bin ku boto Boneiru y ku nan ta den karentena riba e boto.
Riba ordu di douane nan no mag di bandona e boto.
Pero e mama ku alzheimer a baha bai sin nan sa.
E yu ta bisa ku e mama no tin niun sintoma ni nada di corona virus y ku ta den karentena nan ta riba e boto.
Pa seguridat polis y douane a manda buska un bus di directie samenleving en zorg pa a transporta e dama so den dje na un sitio speshal y pa e yu bin buske pa e bai bek e boto.
Mirando e crisis di corona virus ku nos ta den dje bo no por take chance ku e situashon ku a presenta.
Bon trabou di polis y douane pa e forma ku nan a atende e kaso aki.
Nan a hasi esaki di un forma hopi profeshonal.

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!