KRALENDIJK – Hopi reklamo a drenta na mesa di redakshon di Radio Live 99.9 FM relashoná ku e parti di toren ku tin tras di montaña pega ku tereno di futbòl i bolas. E motibu di malkontentu ta ku a pone un parti di e toren, ku ántes tabata na aeropuerto Flamingo, sinembargo e kos ta trese un mahos bista na e sitio. Tin hende a menshoná momentu ku nan pasa den e área, nan tin ku sera wowo pa no tuma nota di e ruina. E pregunta ta dikon no a drech’é promé a bent’é na e sitio ku e ta awor. Momentu ku a pone na e sitio, por a inisiá trabou rápido pa drech’é, òf e intenshon ta pa e keda manera e ta?  E idea ta bon sinembargo e forma ku a ehekutá e plan ta kompletamente for di òrdu, algun persona a menshoná. El a pidi Radio Live pa duna e asuntu atenshon pa esnan konserní hasi algu na e restu di toren tras di montaña. Por komprondé ku e idea ta pa pone e toren ku ántes tabata na aeropuerto Flamingo, kaminda e promé avion a aterisá na Boneiru, e área tras di montaña. 

Share This
error: Content is protected !!