PLASA RANCHO DON PEDRO SITIO DI INISIO “DIA DI RINCON”

Written by on

KRALENDIJK – Hopi aktividat entre otro relashoná ku selebrashon ‘Dia di Rincon’ a inisiá na ‘Rancho Don Pedro’.

Francisco ‘Bubuchi’ Janga a konta Radio Live 99.9 FM ku e sitio yamá ‘Rancho Don Pedro’, tabata un sitio hopi importante pa aktividat sosial. “Diferente aktividat a tuma lugá na e sitio i despues debí na espasio di e lugá, a muda e aktividatnan pa otro sitio,” Bubuchi a konta. El a sigui bisa kon su tata ‘Broertje’ Janga, kende a bai nos dilanti, a kont’é kon a yega na nòmber di e sitio. “Un amigu di mi tata defuntu, un boneriano, a bai establesé den eksterior. Despues di hopi aña el a regresá Boneiru i a pone tur maleta i bulto manera nan ta bisa na e sitio. Nòmber di e persona tabata ‘Don Pedro’. E maleta di paña nan a keda hopi tempu na e sitio. Di e manera aki a bin ku e idea pa duna e sitio e nòmber di e persona, ‘Rancho Don Pedro’. E palabra Rancho kisas tin di aber ku ‘Don Pedro’ tabata rancha na e sitio, loke ta nifiká e ta pasadia na e sitio.

Diferente tipo di aktividat a keda organisá na ‘Rancho Don Pedro’. Hopi rekuerdo bunita a keda relashoná ku e ‘Rancho’,” Bubuchi a konta.

Share This

Current track

Title

Artist

error: Content is protected !!