KOMPETENSIA PLAKA ROTATIVO BOI ANTOIN I KOPA JUNIOR A KEDA KANSELÁ

Written by on

KRALENDIJK – Durante reunion di direktiva di Fundashon Lesa Ta Dushi di dia 17 di mei último, desishon a kai ku lastimamente e di shete kompetensia Plaka Rotativo Boi Antoin i Kopa Junior ta ser kanselá. E motibu prinsipal ta e echo ku aktualmente no ta pèrmití pa organisá eventonan di mas ku 50 persona.
Tambe direktiva di FLTD ta di opinion ku lo bira un preshon enorme pa maestronan prepará e muchanan pa e kompetensia, miéntrastantu ku tin tiki tempu pa tareanan di skol promé ku fakansi grandi. Tabata un desishon hopi dífísil pa nos Fundashon, pasobra ta nos evento di mas grandi pa konsientisá nos muchanan i pueblo en general di Boneiru tokante e importansha di lesamentu.
Direktiva di FLTD ta spera ku otro aña si e kompetensia por tuma lugá i ku tur 8 skol básiko lo por partisipá i ku mas premio.

Share This

Current track

Title

Artist

error: Content is protected !!