KRALENDIJK – Miluska Hansen, bosero di kuerpo polisial a papia ku Radio Live 99.9 FM tokante e seshon di informashon ku tin djaweps 11 i 18 di yüni. Ta trata di informashon tokante kiko un persona tin mester pa e por inisiá e proseso pa traha komo polis. E seshon di informashon ta ‘Live’ pa medio di ‘Facebook’ for di 7’or pa 8:30 di anochi.

“Tin un lista di rekisito, entre otro un persona mester tin 17 aña òf mas, Mester ta den proseso pa bai pasa reibeweis, e hende mester tin diploma pa landamentu òf ta trahando riba dje i diploma di MAVO, ta entre otro algun di loke ku mester, pa por sigui e estudio pa polis. Ta bai hasi tèst sikológiko i ta wak e área ku bo ta den, esaki i mas. Ta buskando hende hòmber i hende muhé pa okupá e funshon di polis.

No ta solamente hóben di 17 aña por solisitá. Hende di mas edat tambe por pasa e proseso pa bira polis. Ta buskando un kantidat di 20 persona pa bira polis pa traha na islanan ‘BES ’. Por solisitá for di awor te 10 di yüli 2020. E estudio pa bira polis ta tuma lugá na Boneiru loke ta di aploudí inmensamente, i e tin un durashon di 2 aña.

Bo tin kurashi i gana di sirbi komunidat di Boneiru, Sint Eustatius i Saba, ta abo ta e persona ku nos mester. Pues skucha e sekshon di informashon ku ta bibu i direkto 11 i 18 di yüni for di 7’or di anochi. Bo por tende i hasi pregunta pa bo ta bon informá loke ta nesesario pa por bira polis. Bai riba ‘facebook page’ di Korps Politie Caribisch Nederland (KPCN) pa mas informashon. 

Share This
error: Content is protected !!