KRALENDIJK – Akto di vandalismo a tuma lugá na Plasa Frasisko “Chiku” Goeloe na Antriol. Awe djarason mainta Lupe Martis – Dortalina di Fundashon AVANTI kende ta atendé ku e sitio ariba menshoná a enkontra e lugá destruí. Un òf mas persona sin eskrupulo a kibra i bòltu diferente kos, tira piedra i bòter na e sitio. Loke a sosodé ta un desapunto, mirando ku ta hasi hopi trabou pa tene “Plasa Chiku Goeloe” bunita, pa tur hende por hasi uso di dje. Hopi trabou ta tuma lugá pa desaroyá e sitio, pa por hasi uso di dje, organisá diferente aktividat. Debí na loke a sosodé, ta informá ku ta bai sera e parke momentu ku no tin aktividat den ora di anochi. 

Potrèt ta duna un bista loke a topa kuné awe mainta na e sitio ariba menshoná. 

Share This
error: Content is protected !!