KRALENDIJK – Artíkulo 133 di e ordenansa di tráfiko ta hasi posibel pa un persona ku tin sierto enfermedat, por apliká pa un eksonerashon di e prohibishon pa por tin nan vehíkulo ku glas ku un ‘tint’ skur riba dje, esta glas skur. Esaki ta loke gezaghèber Edison Rijna a menshoná den su kalidat di presidente di triángulo hudisial, i a splika miembronan di e komishon fiho planifikashon i desaroyo resientemente. Miembro di konseho insular Esther Bernabela a puntra debí ku ta bai hasi e glas di outo probablemente ménos skur, esta mas klaridat ta drenta den e outo, si ta duna e posibilidat di eksonerashon i si ta tene kuenta ku esaki. Kontesta tabata ku ta tene kuenta ku esaki. Tin un formulario spesial ku un spesialista médiko tin ku yena al respekto. Ta trata di un komishon kua tin un médiko, kende ta evaluá e petishon i tuma un desishon. E komishon no ta forma den su totalidat pa awor, debí ku falta e médiko, Rijna presidente di triángulo hudisial a bisa.

Share This
error: Content is protected !!