KRALENDIJK – Djabièrnè atardi alrededor di 3.15 sentral di polis a risibí notifikashon di un aksidente di tráfiko ku a kaba di sosodé na e krusada T, ku ta kondusí Kaya EEG Boulevard i kaya IR. Randolph Statius van Eps. Ta trata di dos outo di famia ku a dal kasi frontal i despues di e impakto, un di nan a bai dal den un palu di lus kantu di kaminda. Pa motibu di e aksidente, tráfiko a pega na e sitio, miéntras hopi outo a keda stanká den fila. Polis i ambulans a presentá na e sitio pa atendé ku esnan envolví. Shofùr di e outo ku a dal den palu di lus a keda transportá pa hòspital pa tratamentu médiko. Daño material ta konsiderabel. Tin indikashon ku e outo ku tabata biniendo for di Playa direkshon sùit, a lora pa subi kaya IR. Randolph Statius van Eps i no a duna preferensia na esun ku tabata bayendo direkshon Playa riba e mes un kaya, esta kaya EEG Boulevard for di Saliña. Esaki ta informashon no ofisial ku Radio Live 99.9 FM ta disponé di dje. 

Share This
error: Content is protected !!