KRALENDIJK – Lusnan di Fèlt Silvio “Chio”Semeleer na Nort Saliña, despues ku pa basta tempu esakinan no a sende, porfin esakinan a sende bèk djamars último. T’asina ku un vehíkulo a kibra e kashi koriente na e fèlt i fo’i dje tempu ei no tabatin lus anochi mas na e fèlt.
Despues ku a drecha e kashi koriente o sea nes na e fèlt, drecha i kambia e lusnan na e fèlt, e fèlt a bolbe haña iluminashon atrobe i por ser usá anochi atrobe. Un kos si, durante dia e fèlt lo wòrdu será i tambe anochi si no tin petishon pa uso di e fèlt. Tambe ta pidi na esnan ku ta hasi uso di e fèlt, pa tene esaki limpi. No subi riba e fèlt ku tayó di kuminda i bòter di bibida i bai laga esakinan atras riba e fèlt. Masha mahos bista pa e hubentut.
Ta sera e porta debí ku si laga e porta habrí, bestianan ta subi e fèlt i hasi sushi riba esaki. E siman aki a hasi e fèlt limpi i ta hasi un yamada na esnan ku ta hasi uso di e fèlt pa kuida esaki, tene e fèlt limpi pa por sigui hasi uso di esaki pa hopi aña mas.

Share This
error: Content is protected !!