Den komunidat tin diskushon/spekulashon/konklushon relashoná ku votamentu di konsehal Ellis di frakshon MPB kontra e ordenansa di emergensia i deklarashonnan di konsehal Coffie di MPB tokante e forma ku MPB a trata su persona i sin un bon komunikashon a nombra konsehal Renata Domacassé komo lider di frakshon.Ta un kaso di komunikashon interno ku lamentablemente a bira manera Hans Wiegel a yega di bisa: “Ze gaan rollebollend over straat”loke ta nifiká un diskushon públiko.  Komo miembro di Konseho Insular señora Coffie a hisa dos dede i bisa “ Mi ta hura (deklará i primintí) ku mi no a risibí ni mi no a aseptá, ni lo mi no aseptá, ni direkta- ni indirektamente, ningun regalo ni ningun promesa di hasi algu o laga di hasi algu den e kargo o funshon en kuestion” E aspekto aki ta importante pa motibu ku ta trata di konfiansa den un miembro di frakshon ku tabata lider di frakshon.

Kon direktiva di partido, frakshon di partido òf lider di partido a atendé ku un miembro ku ta konsehal, ta algu interno ku mester trata a base di rèspèt den partido. Ta resaltá ku MPB no tin un kódigo firmá pa tur miembro kon e prosedimentu ta ora tin problema den partido. Partido PABOSO sí tabatin un kódigo interno i unu kon atendé den koalishon “Prikichi”.Diskushon den tur partido mester ta basá riba preguntanan ku kada miembro ta hasi, manera: Mi ta un bon polítiko? Lo mi por bira un bon polítiko, Mi ta den Konseho insular pa forma mayoria den Konseho Insular? den frakshon? den koalishon? Mi por realisá mi idealnan komo konsehal òf miembro di kolegio Ehekutivo?. Mi ta traha na bienestar general i no na bienestar personal i di partido.Konsehal Coffie  no por benta su influensia afó birando independiente. Konsehal Coffie ta para pa un maneho sosial progresivo. Otto Von Bismarckun polítiko aleman di taye den siglo diesnuebe a bisa di su enemigunan; Por isolá nan, koperá ku nan òf eliminá nan. Awor ta na frakshon, direktiva di partido i lider di partido MPB i partner UPB pa deklará si tin konfiansa den tantu konsehal Coffie komo e diputadonan; Elvis, Nina i James. Regla di konfiansa ta fundeshi di demokrasia parlamentario. Koalishon ta na palabra.

Share This
error: Content is protected !!