Kralendijk – Tourism Corporation Bonaire (TCB) ta bai intensifiká su kooperashon ku Entidat Públiko Boneiru (OLB). Ta tempunan ekstraordinario ku retonan grandi pa e sektor turístiko di Boneiru, kooperashon ta e garantia pa mihó resultado i mas rápido na interes di e sektor turístiko.
Pa TCB kooperashon ku OLB no ta nada nobo. E kooperashon pa gran parti ta tuma lugá riba tereno di merkadeo, entre otro e Plan di Rekuperashon, Komunikashon aéreo i proyektonan asosiá. Huntu nos ta trahando duru pa desaroyá plannan di merkadeo, pa despues por implementá esakinan den fase.
Siman pasá diputado Elvis Tjin Asjoe ku su tim a duna un presentashon na personal di TCB tokante e Plan Maestro di Turismo ku ta den ehekushon i e kontribushon di OLB den esaki. Di e forma akí e tim di TCB a haña un bista kla di e status di ehekushon di e plan maestro. Tambe a sinkronisá e espektativanan pa loke ta trata kontribushon i papel di kada ken den ehekushon di e plan maestro di turismo akí.
Struktura aktual den TCB
Na e momentunan akí mando diario den TCB ta den man di Business Manager, Marjolein Oleana. E ta okupá su mes temporalmente ku e tarea akí, te ora nombra un direktor nobo pa e organisashon. Manera ta e kaso desde ku a introdusí e funshon di Gerente General, Bonaire Holding Maatschappij N.V. (BHM) ta aktua komo dirigente (direktor statutario) di TCB. Derchlien Vrolijk, manager di merkadeo, den kooperashon ku OLB i e sektor, ta ehekutá tur proyekto asosiá ku merkadeo. Turismo ta un pilá importante pa ekonomia di e isla. E sektor privá di Boneiru ta dependé pa kasi ochenta porshento (80%) di turismo i mas òf ménos un terser parti di e poblashon ta traha den e sektor di turismo. P’esei ta di sumo importansia pa nos uni forsa pa traha efektivamente i efisientemente na mantenshon, promoshon i desaroyo stratégiko di e sektor di turismo.
Denter di poko lo sigui mas informashon tokante e plannan turístiko pa Boneiru.

TOURISM CORPORATION BONAIRE GAAT DE SAMENWERKING MET OPENBAAR LICHAAM BONAIRE INTENSIVEREN
Kralendijk – Tourism Corporation Bonaire (TCB) gaat hun samenwerking met Openbaar Lichaam Bonaire (OLB) intensiveren. Het zijn bijzondere tijden met grote uitdagingen voor de toeristische sector van Bonaire, samenwerking is de garantie voor betere en snellere resultaten in het belang van de toeristische sector.
Voor TCB is samenwerking met OLB niet nieuw. De samenwerking ligt grotendeels op het gebied van marketing waaronder het Recovery Plan, Airlift en andere marketing gerelateerde projecten. Samen zijn we volop bezig met het uitwerken van marketing plannen om vervolgens deze in fases te kunnen implementeren.
Vorige week gaf Gedeputeerde Elvis Tjin Asjoe met zijn team een presentatie aan het personeel van TCB over de in uitvoering zijnde toeristische masterplan en OLB’s bijdrage daartoe. Hierdoor heeft het team van TCB een duidelijk beeld gekregen over de status van de uitvoering van het masterplan. Ook werden de verwachtingen afgestemd over ieders bijdrage en rol in de uitvoering van dit toeristische masterplan.
Huidige structuur binnen TCB
Momenteel valt de dagelijkse leiding binnen TCB onder de Business Manager Marjolein Oleana. Zij neemt deze taak tijdelijk waar tot dat er een nieuwe directeur wordt aangesteld voor de organisatie. Zoals sinds de invoering van de functie van General Manager het geval is, treedt de Bonaire Holding Maatschappij N.V. (BHM) op als bestuurder (statutair directeur) van TCB. Alle marketing gerelateerde projecten worden uitgevoerd door de Marketing Manager Derchlien Vrolijk in samenwerking met het OLB en de sector. Toerisme is een zeer belangrijke pilaar voor de economie van het eiland. De particuliere sector van Bonaire is bijna voor tachtig procent (80%) afhankelijk van toerisme en ongeveer een derde van de bevolking werkt in de toeristische sector. Het is daarom van uitermate belang dat we onze krachten bundelen om effectief en efficiënt samen te werken aan het behoud, de bevordering en de strategische ontwikkeling van de toeristische sector
Er volgt binnenkort meer informatie over de toeristische plannen voor Bonaire.

Share This
error: Content is protected !!