KRALENDIJK—Konsehal Clark Abraham ayera a keda saká for di sala di reunion na Pasangran, debí na mal komportashon. E asuntu a kulminá kaminda diputado Elvis Tjin Asjoe a bisa ku tabatin hende ta flùit den sala i mester duna rèspèt na presidente. Despues Edison Ellis di partido MPB a lanta para den sala, i a bisa ku mester tin rèspèt pa presidente. I esei no ta notabel. Si un persona tin algu pa remarka mester hasi esaki ku rèspèt.  Si Clark no ta duna rèspèt, i  nos tur disidí di kuminsá hasi manera Clark ta hasi, mihó nos bati tur loke tin den e sala aki, bati nan kibra. E kos no ta korekto, Edison Ellis a bisaAki Clark a intervení, i Edison Ellis a bisé pa e keda ketu i e diskushon a kontinuá entre Clark Edison i presidente.   

Clark a bisa ku e no sa di loke Elvis ta papia, referiendo na su persona, algu ku no ta kuadra ku nada. “Si diputado Tjin Asjoe  tabata tende algu flùit den su orea, ta dòkter e tin ku bai pa wak ta kiko. Pasobra niun hende no a flùit durante reunion”, Clark a bisa. El a sigui komentá ku ta un menasa e kos ta, ku a lanta bisa ku ta bati tur hende ku stul den e sala. E ta haña mester di un otro presidente den sala di reunion di konseho insular. E presidente no ta funshoná manera mester ta. Loke mi ta hasi den sala ta reakshoná pa koregi kos pa tur kos kana na òrdu. Mi ta sinti ku kisas mester bai sinta den e sala durante reunion, i bai di akuerdo ku tur kos. Asina no ta e konsepto di e reunion. Hopi pasenshi nos tin ku loke ta sosodé den sala di pasangran, esaki ya pa hopi tempu. Hopi sanger a drama pa yega na demokrasia i poko poko pero sigur, nos ta menospresiá i tir’é afó e forma ku kos ta bai. Nos ta hasiendo un daño grandi, Clark a bisa. Gezaghèber kende ta presidente di reunion a pidi Abraham pa bandoná sala enkaresidamente. Abraham a sigui papia, sinembargo presidente di sala a para riba pa Abraham bandoná sala.  

Demokrasia no ta gezaghèber, sino e pueblo, Abraham a bisa.   

Share This
error: Content is protected !!