KRALENDIJK—Relashoná ku e situashon aktual di ‘corona’ vírùs, gezaghèber di Boneiru Edison Rijna a papia ku prensa. El a menshoná entre otro ku lamentablemente situashon ta bira mas amplio ku mas hende infektá ku e vírùs. “Nos ke trese dilanti algun informashon pa evitá ku kos ta bira mas pió. Nos ta teme ku ta nos ta para dilanti un punto di kambio, debí ku kos ta mas serio. Kisas mi ta bisa algu awe i mayan ya e no ta konta mas. Departamentu di salubridat ta traha duru pa atendé tokante medidanan pa evitá kos bira pió. Mi ta spera kada un di nos ta yuda pa ménos e vírùs ta plama riba e isla. Kumpliendo ku esaki nos no mester tuma mas medida”, gezaghèber Rijna a bisa.  

 Doktora Marian Luinstra

“Fin di siman pasa un dòkter lokal, den e kaso aki ta trata di dòkter Hermelijn kende a tèst positivo. A buska kontakto ku tur esnan ku tabata den kontakto ku e dòkter pa por a informenan. Hopi hende a yama e number 0800-0800 pa entre otro informashon, relashoná ku e asuntu di dòkter Hermelijn. Awor otro dòkternan ta atendé e pashènt nan di kas di dòkter Hermelijn. E situashon di salú di dòkter Hermelijn ta mehorando. Pa loke ta trata e asuntu di duana tambe tin hende ku e vírùs. Tin atenshon pa esnan ku tabata den kontakto ku e duanero ku ta infektá ku e vírùs. Un otro kaso ta trata di un empleado di Fundashon Maridal ku a tèst positivo. Tur ta isolá huntu ku esnan ku tabata den kontakto kuné. Ta importante tene 1 meter di mei di distansia, tapa boka, laba man i atendé tur kos di e parti higiena. Tin hopi mal komprondementu ku asuntu di esnan ku tin e vírùs. Karentena ta nifiká no bai niun kaminda i no ta den kontakto ku niun hende. Tèstmentu di hende ku no tin keho relashoná ku e vírùs, no tin sentido. Tur mainta tin ‘drive true’, pa tèst riba  ‘corona’ vírùs. Mester traha sita pa esaki. Nos meta i deseo ta pa e hendenan infektá bira ménos, i solamente huntu nos por logr’é”, Doktora Marian Luinstra a bisa.    

Flavel Maduro, hefe di komunikashon di parti di gobièrnu a papia i el a menshoná di medidanan poko mas serio pa loke ta trata si e vírùs presentá na un kas di famia.” Ta importante kon ta bai funshoná, kon ta bai atendé si un hende na kas ta infektá ku e vírùs. Ta importante pa kome salú i drumi sufisiente pa e resistensia ta stabil. Ta bai saka mas informashon pa informá tur hende tokante e medidanan tokante ‘corona’ vírùs”, Flavel Maduro a bisa.       

Share This
error: Content is protected !!