KRALENDIJK – Relashoná ku e kaso ku FFB a kuminsá kontra FIFA pa logra su miembresia serka e organisashon mundial di futbòl, riba nos pregunta, sr. Balentin ku ta presidente di FFB, a duna di konosé ku tin di spera riba desishon di esnan ku tin ku tuma un desishon i duna veredikto den esaki.
E kaso a tuma lugá 9 di sèptèmber último unda CAS (Court of Arbitration of Sport) a tende FFB i tambe FIFA.
Despues di a tende tantu FFB komo FIFA, ta pendiente pa duna un veredikto, un resultado di esaki, ken tin rason o nò.
CAS ta studia e situashon i duna un di e partidonan rason den esaki.

Den esaki no tin asuntu di pèrdè ni gana, den e kasonan aki ta mira bienestar di futbòl, e deporte pues.
CAS pues tin ku tuma un desishon den e kaso aki, tin ku duna su veredikto i bisa ken tin rason òf nò den esaki.
E por dura un luna, menos òf mas ku un luna promé ku bini ku un veredikto di e kaso aki.
Si FFB Logra bira miembro di Fifa esaki tin su benefisionan sigur pa ku nos futbòl i nos isla.
Esaki ta loke Boneiru ta buskando tambe basta dia kaba, esta logra bira miembro di Fifa.
Ta pendiente di e desishon di CAS pa tuma su desishon final den esaki.

Ohalá nos isla, nos federashon haña rason den esaki i nos keda aseptá komo miembro di FIFA.
Esaki lo trese kuné masha masha hopi benefisionan mes kuné pa nos futbòl i nos isla, kumpliendo naturamente ku e eksigensianan tambe di e organisashon mundial di futbòl.

Share This
error: Content is protected !!