KRALENDIJK – Durante enkuentro ku prensa resientemente a menshoná ku laboratorio BonLab tambe ta hasi sierto tèst relashoná ku ‘corona’ vírùs. Esaki ta loke doktor Marian Luinstra – Passchier, di salubridat públiko a bisa. Luinstra – Passchier a bisa te ku algun luna pasá, tabata manda tur tèst pa ADC na Kòrsou pa análisis, sinembargo awor ta manda nan pa BonLab pa kasonan eksepshonal. Pues na Boneiru ta hasi uso di BonLab, pa hasi sierto tèst partikular di ‘corona’ virus.

Ta un palabrashon ku tin awor ku BonLab pa nan hasi sierto análisis. Luinstra – Passchier a splika ku esaki a tuma tempu pa a yega na e desishon. Momentu a inisiá ku e parti di tèst pa medio di ‘drive true’, esaki a tuma un temporada, pa a organisá un ke otro. Mester a atendé kua tèst por bai BonLab, i esun ku mester bai pa ADC. No ta tur tèst ta bai BonLab. Esaki debí ku aya nan no por hasi mas ku 60 tèst, debí na nan kapasidat. Pe e motibu aki ta motibu pa sigui hasi uso di análisis na ADC aya na Kòrsou, Luinstra – Passchier a bisa durante enkuentro ku prensa.     

Share This
error: Content is protected !!