KRALENDIJK — Riba djamars 22 di sèptèmber a drenta keho di ladronisia for di un outo ku tabata stashoná pafó di un kas situá na Kaya Magdalena. Entre djaluna 21 di sèptèmber, pa mas o ménos 9 or di anochi, i djárason 23 di sèptèmber, pa mas o ménos 5 or di mainta, deskonosínan a bai ku 4  tapa di wil. Ta investigando e kaso.

Den oranan trempan di anochi a trese un bòshi di yabi ku a haña den Kaya Grandi,  warda di polis. Si e bòshi di yabi aki por ta dibo, portraha un sita pa pasa busk’e na warda di polis, na 715 8000.

Riba djaluna 21 di sèptèmber a drenta keho di ladronisia for di un outo ku tabata stashoná dilanti di un kas situá na Kaya Proud. Den oranan trempan di mainta, entre 08.15 i 08.30 or, deskonosínan a bai ku un mashin di bora i un mashin di sleip, ámbos di marka Bosch. E kaso ta bou di investigashon.

Den oranan di atardi, alrededor di 3.40 or riba djaluna 21 di sèptèmber, un aksidente entre un bròmer i un outo a tuma lugá riba Bulevar Gobernador Nicolaas Debrot. E bròmer a kore dal den e outo pa motibunan deskonosí. Ambulans a transpòrtshofùr di e bròmer pa hospital pa tratamentu médiko.

Pa mas o ménos 12.45 or di mardugá di djárason, 23 di sèptèmber, a drenta keho di ladronisia for di kura di un bar/restorant situá na Bulevar Gobernador Nicolaas Debrot. Deskonosínan a bai ku entre otro bebida alkohóliko. Ta investigando e kaso.

Share This
error: Content is protected !!