KRALENDIJK – Loke den pasado ya tabata e kaso, awor atrobe e departamentu di komunikashon di RCN ta duna asistensia na Eilandelijk Beleids Team(EBT). Gezaghèber Edison Rijna a pidi RCN pa nan departamentu di komunikashon, dirigí pa Lucia Beck, pa nan duna asistensia na EBT, e tim di maneho insular ku ta atendé ku e situashon di COVID-19 na Boneiru. Caroll-Ann Soliano i Atseline Winklaar kende ta funshonarionan di e departamentu di komunikashon di RCN, a dirigí e último konferensiánan di prensa. E departamentu di komunikashon di RCN, na momentu ku Coronavírùs a bira konosí na Boneiru na luna di mart 2020, tabata atendé ku e parti di informá prensa di e situashon riba e isla. Despues ku a situashon a bira mas trankil i a suavisá e medidanan e tempu aya, e departamentu di komunikashon di RCN a stòp ku e tarea i e departamentu di komunikashon di Entidat públiko Boneiru(OLB) a kontinuá. Awor ku e situashon ta alarmante ku diferente medida, gezaghèber Edison Rijna a pidi representante di Reino, sosten i asistensia entre otro riba e parti di dirigí konferensiánan di prensa

Share This
error: Content is protected !!