KRALENDIJK – Djasabra mèrdia, algu promé ku 12:30 notifikashon a drenta via e number 911 ku un aksidente di tráfiko a kaba di tuma lugá riba kaya Korona na altura di 88 snèk. E aksidente tabata entre un outo i un crosser. Testigunan na e sitio a konta ku shofùr di e crossser bayendo direkshon nort riba kaya Korona na dado momento a bai hala pasa dos outo sin tuma nota ku 1 di e vehíkulonan a duna señal pa lora na su man robes. E crosser a bai dal den banda di un KIA Rio koló kòrá. Daño material tabata bastante tantu na e vehíkulo i e crosser. Debí na e impakto fuerte, glas di e vehíkulo a kibra i kuminda ku shofùr di e crosser tabata moviendo kuné a bai resultá te den e outo. Shofùr di e crosser a keda heridá na suela ku diferente rasku rònt su kurpa i tabata keha di doló na su mannan. Probablemente el a kibra su man. E tabatin un hèlmu bistí. Ku ambulans a transportá e víktima pa hòspital pa tratamemtu médiko mas avansá. CRS tabata presente i a registrá e aksidente aki.

Share This
error: Content is protected !!