KRALENDIJK – Dòkter Michael Hermelijn a wòrdu transportá pa Kòrsou algun ratu pasá, debí na situashon di su salu. Radio Live 99.9 FM a risibí e informashon ku dòkter Hermelijn, kende ta infektá ku e coronavírùs, a bai Kòrsou pa tratamentu mas avansá. Algu promé ku 4’or awe tardi a manda dòkter Hermelijn Kòrsou ku ‘ambulans flight’. Esaki ta indiká ku su situashon ta serio. A tuma e desishon pa mand’é Kòrsou pa tratamentu médiko mas avansá, pa por tin e mas mihó bou di kontròl. E parti di transportashon di dòkter na èrpòrt pa bai Kòrsou, a tuma lugá ku hopi medida, relashoná ku e pandemia di coronavírùs. E pilotonan tambe a bisti un pak spesial pa evitá kontagio di un pa otro. Awor e ta den man di dòkternan aya na Kòrsou pa atendé kuné pa e bira bon. Orashon sigur ta yuda pa pronto e ta stabil i regresá Boneiru.  

        

Share This
error: Content is protected !!