KRALENDIJK – E hóben deportista Raynold Wilsoe, despues di a sigui kursonan di KNVB, na su edat di 20 aña ta logra su diploma komo “pupillen trainer” aya na Hulanda.

Aktualmente e ta fungi komo treiner asistente di un tim U-13 kategoria Hoofdklasse di Ridderkerk Rotterdam ku ta hiba di nòmber SV Slikkerveer.
E tim ta invikto den e kampionato ku 2 wega hungá 2 ganá.
Raynold Wilsoe den kontakto ku Redaktor Deportivo Ibi Piar, a duna di konosé e la laga futbòl para un ratu pa fokùs riba su kurso komo “hoofdklasse trainer”.

Mas aleu e la bisa ku e la haña bon oportunidatnan i tuma esakinan.
E ta sigui tambe pa su kurso pa diploma di KNVB kategoria junior.
Raynold momentu ku e la yega Hulanda pa su estudio tabata hunga bala tambe pero despues e la stop un ratu pa fokùs riba su kursonan pa logra su diplomanan komo trainer hubenil di futbòl.

Komo trainer asistente di e tim SV Slikkerveer di Ridderkerk Rotterdam, e ta hopi kontentu i satisfecho kon kosnan ta bayendo kuné aya na Hulanda.
E ta hañando oportunidatnan i ta sigui pa logra esakinan.
Nos ta deseá Raynold Wilsoe tur pero klase di éksito aya na Hulanda ku su kursonan pa bira trainer diplomá di KNVB.

Share This
error: Content is protected !!