KRALENDIJK – Ayera djarason anochi poko despues ku tabatin un kaso di tiramentu ku herido den e bario Tera Kòrá, tabatin un otro problema ku outoridatnan polisial mester a atendé. Mas o ménos 10 pa 9 di anochi, tabatin un kaso di tiroteo i mas o ménos mei ora despues, polis mester a regresá ku urgensia den bario Tera Kòrá pa atendé ku otro kaso di violensia. Ta trata di un kas na kaya Kamari, kaminda tabatin un problema. Por komprondé ku ta trata di un kaso di bringamentu i sakamentu di kuchú un pa otro, ku menasa fuerte. Polis a presentá na e adrès menshoná, i a hasi detenshon di un sospechoso pa loke e polisnan a bai na e sitio pe. Ta trata di bringamentu i menasa ku morto. A detené un persona relashoná ku asuntu di bringamentu, saka arma blanku i menasa ku morto. E kaso aki tambe ta bou di investigashon.

E kaso aki no tin nada di aber ku esun di tiramentu, ku a sosodé un momentu promé.

Share This
error: Content is protected !!