KRALENDIJK – Awe mainta Boneiru a risibí un áwaseru ku tabata yobe for di direkshon sùit. Esaki a pone ku laman a bira brutu na Malekon. Ta yama esaki un resake. Doñonan di boto chikí i boto ku tabata mara na waf, mester a los i bai afó riba laman, òf un sitio mas seif. Laman tabata bati na kosta i na algun sitio awa tabata subi kaya riba Malekon. Ta trata di un resake di sorpresa, debí ku no tabatin informashon di esaki. Informashon ofisial ku Radio Live 99.9 FM a risibí despues di kapitan di haf Gunther Flanegin, ta indiká  ku tin hopi disturbio di awaseru awe riba Bonaire. Durante dia bientu lo yega te 30 kònòpi. Aktualmente no tin aviso pa boto chikitu, sinembargo mester keda monitòr esaki, Flanigin a bisa. Pa motibu di mal tempu ku ta pasa riba Bonaire i áwaseru for di direkshon sùit, por tin resake segun KNMI. Bientu di sùit lo kambia de bes enkuanto, sinembargo no ta pasa 10 kònòpi.  

Share This
error: Content is protected !!