KRALENDIJK – Awe djabièrnè mainta Boneiru a risibí un pal’i áwa un biaha mas. Durante di e próksimo 24 ora, mas nubia lo move riba nos region. E nubianan aki lo generá algun áwaseru kompañá pa posibel welek i bos riba vários parti di nos isla, espesialmente durante oranan di awe mainta. Mas aleu, ta antisipá ku bientu lo mantené un forsa suak te moderá i esaki lo resultá den un kondishon di laman relativamente trankil.

Informashon ofisial ku Radio Live 99.9 FM a risibí di kapitan di haf Gunther Flanegin pa awe djabièrnè, ta indiká ku tin hopi disturbio di awaseru awe tambe riba Bonaire. Awe lo yobe ku bientu ku lo yega te 30 kònòpi. Ainda no tin aviso pa boto chikitu, sinembargo mester keda monitòr esaki i si e bira un alarma KNMI lo tuma kontakto, Flanegin a bisa. Pa motibu di mal tempu ku ta pasa riba Bonaire i áwaseru for di direkshon sùit, por tin resake atrobe.

Share This
error: Content is protected !!