KRALENDIJK – Nos a drenta luna di òktober, luna internashonal di e malesa di kanser na pechu i Stichting Prinses Wilhelmina Fonds Bonaire ta pone atenshon na esaki. Kanser na pechu ta e kanser ku mas ta bin dilanti serka hende muhe. Mundialmente a sali na kla ku 1 den kada 8 hende muhe ta kedsa diagnostika ku e malesa di kanser na pechu.

Normalmente durante luna di òktober Stichting Prinses Wilhelmina Fonds Bonaire ta organisá charla i anochinan di informashon riba e topiko aki. Pero mirando e situashon aktual relashona ku Covid-19 lo bai duna hopi informashon via prensa i media sosial.

Nos informashonnan lo ta basa riba:
– kosnan ku ta lanta e risiko pa haña e malesa aki,
– kon pa baha e risiko, ken tin mas risiko,
– kon pa kontrolá bo mes,
– sintomanan,
– kiko mester hasi si nota algu straño,
– testnan ku por hasi,
– tratamentu,
– kon kuida despues di tratamentu
– testimonio di persona ku a keda diagnostiká ku e malesa aki.

Tambe nos ke hasi uso di e oportunidat i gradisí tur esnan ku durante luna di sèptèmber a yuda ku e parti di kolekta i esnan ku a hasi un donashon. Si tin persona ku ainda ke hasi donashon esaki ta posibel.

Pa kualke pregunta i of informashon por tuma kontakto ku nos na 796 9798. Por sigui nos tambe via facebook.com/PrinsesWilhelminaFondsBonaire pa
keda na altura di tur loke nos ta hasi i tambe diferente otro informashon.

Share This
error: Content is protected !!