KRALENDIJK – E moshon di partido Demokrat ku a wòrdu rechasá tokante tradukshon simultáneo di reunion di konseho insular pa habitantenan di otro idioma, a hala atenshon di suidadano Arthur Sealy. E argumento ku a vota kontra ta motibu ku tur strañero na Bonaire mester siña i papia papiamentu, pero no a papia di un maneho pa siña strañeronan papia papiamentu. Na italiano, ora un hende papia sin bisa nada, ta usa e ekspreshon Parole, parole. Tur kos ta palabra i mas palabra. Debate entre Trump i Biden tabata parole. Reunionnan di Konseho Insular ta parole.

E moshon, aunke rechasá, su esensia ta fundamental pa motibu ku e ta pro/voor pa nos siudadanonan di otro idioma tambe partisipá, aportá i dirigí Bonaire. Pues pa nan ta igual ku nos ku ta papia papiamentu.

Usando papiamentu pa rechasá e moshon ta un akto di diskriminashon. Pa haña voto strañeronan ta o.k., pero riba un lista polítiko na un puesto eligibel lubidá. Yunan di strañeronan ku a bira Boneriano i a duna un aporte grandi na desaroyo di Bonaire komo konsehal/diputado ta e famianan Abraham i Saleh i señor Rafael Santana ku tabata konsehal, pero ku plaser tabata hasi chèrchi di su papiamentu.

Tin hóben nasé na Bonaire for di mayornan strañero, ku ta dominá nan idioma materno i papiamentu mihó ku e Boneriano legítimo òf mesklá. Awor ta momentu pa inkorporá Fundashon FORMA, unda tin un boneriano ku a studia siensia di idioma, den e trayekto pa planifikashon di idioma. Komo yu di un tata strañero i un mama di Rincon i kuater ruman kasá ku Rinconero mi ta desapuntá ku a rechasá e moshon.

Share This
error: Content is protected !!