KRALENDIJK – Riba djarason 30 di sèptèmber tabatin un kantidat di kaso kontra di moral den Korte di Promé Instansia aki na Boneiru. Un hòmber ku a drenta kas di su bisiña miéntras e tabata drumi i a mishi ku su parti íntimo, a presentá dilanti hues. Ora ku e la lanta for di soño e hòmber a trata di konvensé pe tene relashon seksual. Al final e hòmber a bai kas kaminda ku e la keda detené. Na promé instante e la nenga ku e tabata na kas di e bisiña. Despues ku e la wòrdu konfrontá ku e resultado di DNA e la bisa ku e la mishi ku su bisiña pero ku su pèrmit. Korte no a kere e storia aki.

Hues a kondená e hòmber na 3 aña di kastigu di prizòn pa aktonan kontra di moral ku un persona ku ta drumi, pero a apsolv’é pa violashon. Den e kaso aki tambe e víktima tabata presente via konekshon di video. Su petishon di daño perhuisio a keda otorgá. E sospechoso a bai den apelashon.

Share This
error: Content is protected !!