KRALENDIJK – Djadumingu próksimo 11 di òktober lo tin Promé Santa Komunion na Parokia di Playa parti mainta.

En bista di medidanan ku a tuma en konekshon ku pandemia di Corona Covid-19, a bini e siguiente kambio den orarionan ku por bishita Santa Eukaristia na nos parokia e fin di siman aki.

Misa Promé Santa Komunion ta parti mainta i lo bai den dos grupo, esta di 9’or i 11’or, ta pa solamente muchanan di Promé Santa Komunion i nan famia.

Nos parokianonan, bishitante di misa mainta 9or, por bini preferibel djasabra anochi 7or òf por skohe djadumingu 7or anochi.

Esaki ta un eksepshon pa e wikènt aki pa motibu di Risibimentu o Sakramentu di Promé Santa Komunion i nos ta masha gradesido pa e koperashon di nos parokianonan.

Un boka bisa otro; i laga nos mantené na reglanan stipulá i tene kuenta ku otro, higiena i distansia sosial.

Share This
error: Content is protected !!