KRALENDIJK – Awe  djabièrnè mainta ‘Nos Ke Boneiru Bèk’ (NKBB), pa konmemorá 10 aña despues di 10-10-10, a hasi un ‘pre-launch’ di e un buki: outo determinashon di Bonaire rechasá. Eventonan históriko di e desmantelashon di Antia Hulandes, 10 aña di aneksashon ilegal Hulandes- 2010 pa 2020.  

E enkuentro ku prensa a tuma lugá awe mainta, kaminda James Finies a papia i a presentá e konsepto di buki. “10 aña a pasa i nos a sigui lucha pa e pueblo di Boneiru. Nos a yega na e idea pa traha un buki di loke a sosodé e último 10 aña”, James Finies a bisa. Entre otro por a tuma nota di potrèt i nòmber di Boi Antoin, Evert Piar, Ramonsito Booi, algun nòmber di esnan ku a kontribuí na e situashon ku nos ta den aktualmente, Finies a bisa.   

“A publiká e nòmbernan i informashon pa esaki no bai pèrdí. Hopi kos a sosodé skondí, i nos ta bai trese nan dilanti pa medio di e buki ku ta sali na yanüari 2021. E buki lo ta na idioma ingles i  papiamentu. 

Tin poko skirbi di pasado di Boneiru i loke tin skirbi, no ta kuadra ku realidat. E buki aki ta bai di loke nos a eksperensia, esta nos di ‘Nos Ke Boneiru bèk. Ta sigui lucha pa un dia nos tin nos derechonan bek”, James Finies a bisa.  

A presentá un grabashon pa medio di pantaya, kaminda por a tuma nota loke a sosodé i kantidat di nòmber i potrèt di esnan ku a kontribuí pa e kambio na 10.10.10. James Finies a trese dilanti informashon relatá na e buki su kontenido. “Awor despues di dies aña, 10-10 2020, nos ta tristu i ta lamentá di e situashon aktual. Kòrsou i Sint Maarten a start e mes un proseso, e ruta pa bai Nashonnan Uni. Nos tur tin mes derecho. Pa nos logr’é, nos tin ku uni ku Nashonnan Uni. No pèrdè speransa. Nos ta bai logra nos meta”, James Finies a tèrminá bisando. 

Share This
error: Content is protected !!