KRALENDIJK – Dr. Marian Luinstra-Passchier di e Departamentu di Salubridat Públiko a kontestá pregunta ku miembronan di prensa a hasi resientemente tokante remedi pa personanan infektá ku Covid-19.

Dr. Luinstra-Passchier: “Mayoria di pashènt ku tin Coronavírùs ta na kas. Mayoria di hende infektá ku e vírùs tin síntoma leve i no ta nesesario pa usa remedi. Kisas nan tin solamente keintura poko haltu, nister de bes enkuando i no mester usa remedi. Momentu ku e persona ta den hospital, e ora ei kisas e mester di sierto remedi pa su salú, pero tin sufisiente remedi disponibel na Boneiru. Pa medio di VWS e remedinan ta yega Boneiru pa e pashènt ku ta den nan nesesidat. Pues un persona ku tin síntoma leve no ta nesesario òf no mester di remedi. Solamente pashèntnan ku ta interná den hospital ta usa algun remedi pero tur ta disponibel na Boneiru”, Dr. Luinstra-Passchier a bisa.  

Share This
error: Content is protected !!