KRALENDIJK – Djamars atardi algu promé ku 6’or, notifikashon a drenta na warda di Polis ku un aksidente di tráfiko a kaba di tuma lugá pabou di aeropuerto riba Bulevar E.E.G. na altura di Donkey Beach. Pa motibu di no paga bon atenshon den tráfiko e vehíkulonan a aksidentá.

For di un investigashon preliminar ku outoridatnan a hasi na e sitio ta indiká ku un Mitsubishi kolo kòrá tabata pará kantu di kaminda i dado momentu a bai hasi un ‘U Turn’ pa subi kaya direkshon Playa sin tuma nota ku un SUV Opel pretu tabata aserkando ku direkshon Belnem. E impakto tabata inevitabel i fuerte den banda di e shofùr. Shofùr di e Mitsubishi tabata kehá di dolónan i a keda transportá ku ambulans pa hòspital. Polis di tráfiko i CRS tabata presente pa data e aksidente aki. Daño material ta konsiderabel.

Share This
error: Content is protected !!