KRALENDIJK – Piskabon ya tin 3 aña i tin práktikamente tur kos bon reglá organisatoriamente pa por ta un koperashon koperativa. Tur kos ta na òrdu, sinembargo di otro banda nada no ta sosodé. Ta komo si fuera tin un falta di rèspèt òf a buta Piskabon un kantu, nos no sa. Esaki presidente di Piskabon Ernst Delanoy a bisa. “Siman pasa hopi hende huntu ku polis a bula den laman pa skapa boto ku tabata den problema kantu di kosta. Si nos por tabata na altura poko trempan por a evitá esaki. No mester warda te momentu algu sosodé pa tuma akshon. Tin un grupo di ‘whatsapp’ bèrdat pa informá entre otro piskadónan, pa momentu situashon di tempu ta bai kambia pa por informá e hende di esaki. Bèrdat 11’or di anochi a manda den e grupo, sinembargo tabata hopi lat pa a informá i tuma akshon di parti di e doñonan di boto. KNMI no tin bista kiko ta sosodé na Boneiru. Nos deseo ta pa trese remarke pa e kos bira mihó no ta krítika pa kaba ku nada. Mayoria piskadó nan boto no ta sigurá. E gastunan ta haltu. Ta bon pa gobièrnu tuma nota di loke nan ku ta sosodé. Komedónan di piska no sa kiko e piskadó ta pasando den dje”, Delanoy a bisa.   

Share This
error: Content is protected !!