KRALENDIJK – Angelo Alberto ku ta forma parti di Team Ir-sais aki na Boneiru tabata den e programa ‘Brunch99’ awe, i el a papia ku Tino de Palm, kende a presentá e programa.

Alberto a menshoná ku siman pasá tabatin un oudishon na DS Dansschool i asina lo kontinuá ku diferente aktividat ku tin planiá huntu ku Ir-sais pa e temporada aki promé ku 2020 kaba. E oudishon a bai hopi bon, muchanan tabata eksitá i na mes momentu poko nervioso. Ir-sais mes tabata presente pa e sondia e presentashon di e muchanan. Nos ta bai hasi diferente kos, un proyekto amplio ku despues nos lo revelá esaki.

Nos tin un ‘facebookpage: Ir-sais Deeper 3.0’ i tin un video pa mustra kon un hende por partisipá den e grabashonnan ku ta bai tin. Nos ta buskando diferente persona pa kontribuí na e grabashonnan. No ta importá ken, pasobra ta diferente tarea tin ku e hende por partisipá. No nesesariamente e persona mester por kanta òf balia. Simplemente bo por ta den ‘Backround’ di e grabashonnan. Ta bai tin diferente grabashon pa e aña aki.

Si bo ta biba na Boneiru, bo tambe por ta parti di e proyekto huntu ku e artista Ir-sais. Ta trata di un kordinashon ku ta tumando lugá, pa hasi un grabashon di ‘video clip’. Por manda un mail na: team@ir-sais.com i menshoná ku mi tambe ta den. Kòrda pone nòmber kompletu i edat.

Share This
error: Content is protected !!