KRALENDIJK – Korte di promé instansia a posponé tratamentu di e kontenido di e kaso di atrako Divi Flamingo Casino pa di tres bia. Awor a tuma e desishon pa trata e kaso den 2021.

E tres sospechosonan den e kaso, G.M., C.S. i G.H.S., a presentá djarason último dilanti hues aki nan Boneiru. Abogado Van Lieshout, a representá Sharlon S. Miéntras abogado Winkel a presentá pa defendé Sharlonson S.. Geidiyon S. su abogado tabata Josephia, kende a presensia tratamentu di e kaso pa medio di konferensia di video, siendo na Kòrsou. Pa loke ta trata e kaso aki tabatin diferente reklamo di parti di abogadonan, ku nan no tin akseso pa drenta JICN pa por papia ku nan kliente.

Abogado van Lieshout abisa ku 3 siman pasa el a atendé ku su kliente na JICN, sinembargo e situashon no ta apropiá. Nan a tene e kombersashon pa medio di interkom, loke no ta garantisá sekresia entre abogado i kliente. Abogado a pidi pa e por papia ku su kliente na warda di polis. Fiskal Blanco ta bai atendé esaki. Abogado Osepa pa menshoná ku ainda e no a logra pa papia ku su kliente, loke tin influensia negativo riba nan relashon di konfiansa. Abogado van Lieshout a bisa: E ta deseá pa interogá no ménos ku 7 testigu. Entre otro el a menshoná algun nòmber di e testigunan. Abogado Winkel a pidi pa imágen mas amplio di e atrako. Abogado Osepa tambe ta deseá pa investigashon, sinembargo e ta anunsiá esaki despues di deliberá ku su kliente. Ámbos abogado a pidi hues pa posponé detenshon di aresto preventivo di nan kliente, mirando ku un bia mas ta posponé tratamentu di e kaso.

Fiskal Blanko a oponé. El a bisa ku ta trata di un kaso hopi serio i e ta pisa mas ku e benefisio personal di e akusadonan. Edelenbos a bai di akuerdo ku ministerio públiko, i a rechasá e petishon pa suspenshon di detenshon. Korte den promé instansia ta bai trata e kaso den su kontenido 14 di yanüari 2021.

Share This
error: Content is protected !!