KRALENDIJK – Tin un bahada signifikante di hende kontagiá ku Covid-19 na Boneiru, esaki ta loke gezaghèber Edison Rijna a bisa ayera durante un konferensia di prensa. “ Manera ya konosí, djarason último nos a risibí e notisia tristu ku Dr. Michael Hermelijn a fayesé den hòspital na Kòrsou debí na komplikashon nan di covid-19. Esaki ta di tres siudadano boneriano ku lamentablemente nos ta pèrdè pa motibu di Covid-19. For di aki mi ta deseá famianan, ser nan kerí i pashèntnan di Dr. Hermelijn hopi forsa pa karga ku e pèrdida aki. 

Ménos hende kontagiá 

Den e último siman ku a pasa nos por mira un bahada signifikante den e kantidat di kontagio na Boneiru. Nos ta kontentu ku e sifranan ta sigui abou, sinembargo na mes momentu nos ta kouteloso. Pa e motibu aki awe ainda mi no por anunsiá ku nos ta suavisá e medidanan aktual. Manera mi a bisa nos ta kontentu pa mira ku den e último siman e kontagio a baha hopi. Sinembargo e kantidat di tèst tambe a baha hopi. Tèst ta nesesario pa nos tin un idea kla na unda e vírùs ta i mas importante, si ainda e ta plamando. P’esei mi yamada insistente: Si bo tin keho, bai tèst! 

Share This
error: Content is protected !!