KRALENDIJK – Lamentablemente e entiero di dòkter Michael Hermelijn lo no tuma lugá na Boneiru. Su deseo semper tabata pa su klientenan, amigunan i konosínan keda kòrd’é manera e tabata. E tabata ke un entiero den un seno familiar.

Teniendo kuenta ku su deseo i tambe e deseo di pueblo, e famia a disidí lo siguiente: Mañan, djadumingu 18 di òktober 11:30 di mainta, El Tributo lo hasi un ‘live streaming” for di kòrsou. Di e manera aki por tuma despedida di e dòkter.

Después lo transportá su kurpa pa Hulanda, kaminda lo krem’é den seno familiar.

Por partisipá vía e siguiente lenk: https://m.youtube.com/watch?v=07IZuep-PWU

Tambe por pasa na e ofisina di dòkter Hermelijn na Kaya Libertador Simon Bolivar 12 i firma e registro di kondolensia, pone flor òf sende un bela pa deskanso di alma di e defuntu. Por hasi esaki tur dia entre 8’or di mainta te ku 8’or di anochi, te na momentu di entiero.

Famia ta gradisí tur ku a duna sostén, tur ku a hasi orashon, yama i manda mensahe.

Share This
error: Content is protected !!