KRALENDIJK – Si sifranan di kontagio di Covid-19 keda abou i stabil, djárason próksimo lo indiká kua medidanan ta keda apliká pa tráfiko aéreo. Esaki gezaghèber Edison Rijna a bisa den un konferensia di prensa djaweps atardi, papiando riba desaroyonan di Covid-19 na Boneiru.

Aktualmente ta preparando pa establesé kondishonnan mas flèksibel pa entrada di bishitante di islanan rondó di nos. Nos prioridat ta pa Kòrsou. Esaki ta rekerí un konsiderashon kuidadoso. Kual sea e sirkunstansia bou di kua nos ta relahá pa Kòrsou, lo apliká medidanan adishonal. Djárason awor ta informá mas den detaye riba e tema. 

Kódigo oraño pa hel 

Boneiru na e momentu aki tin kódigo oraño pa pasahero for di Hulanda Oropeo. Si e sifranan sigui baha, nos ta haña ku ta hustifiká pa nos manda un petishon pa bai bèk na kódigo hel. Mi ta spera di por hasi esaki den siman binidero. E petishon ta bai pa Ministerio di Relashonnan Eksterior, i einan e ta keda evaluá. Komo ku nos tin un kontakto estrecho ku e ministerio, nos ta spera ku Boneiru por haña aprobashon pa bai bèk na kódigo hel den 1 pa 2 dia despues ku nos a manda e petishon. Nos ta keda ku atenshon pa seguridat di nos isla, spesialmente awor ku e kantidat di kontagio na Hulanda ta haltu. Djárason awor lo mi komuniká di e kondishonnan pa por drenta Boneiru for di Hulanda. 

Mi sa ku ta importante tambe pa sektor turístiko, e dia ku buelonan for di entre otro Merka i otro destinashon nan ta bon biní atrobe na Boneiru. Aki tambe nos konhuntamente ku e sektor turístiko ta wak i evaluá bou di kua kondishon por hisa e prohibishon nan. 

Share This
error: Content is protected !!