KRALENDIJK – Djabièrnè anochi algu despues di mitar di 9, notifikashon a drenta na warda di polis ku un aksidente di tráfiko a kaba di tuma lugá riba Kaminda Tra’i Montaña nèt den e bògt promé ku subi blanku riba kaminda di Rincon. Dos Toyota Vitz koriendo ku velosidat basta haltu direkshon Rincon un tras di otro pa motibunan te ainda deskonosí, shofùr di un di e Vitznan a pèrdè kòntròl riba su bolante nèt den e bògt promé ku yega subí blanku. Akonsekuensia e vehíkulo a bòltu pa despues ranka un poste di lus for di den tera, bai haltu i alfinal para bèk riba su 4 tayernan,” testigunan a konta. Na momentu ku e outo a pèrdè kòntròl i spin riba kaminda, e outo patras di dje a dal den dje patras. Ambulans a wòrdu pidí pa atendé ku un di e shofùrnan ku tabata keha di doló na su lomba i a transporté pa hòspital pa tratamentu mèdiko. Daño material tabata bastante. E kaso ta bou di investigashon pa tantu polis di tráfiko i CRS.

Share This
error: Content is protected !!