KRALENDIJK – Djaluna último, NGO Platform a organisá su promé reunion virtual. 

Meta di e enkuentro aki tabata pa introdusí NGO Platform Bonaire su kordinadó di proyekto señora Enirahs Martina. Sra. Martina lo ta responsabel pa asistí NGOnan den skibimentu di petishon pa finansiamentu di proyektonan. 

Enirahs Martina tin su mesun kompania yamá ERM Quality Services ku tin komo vishon “Desaroyo i kordinashon di proyektonan ku resultado tangibel  i inkorporá un mentalidat nobo pa transformá i inspirá lidernan pa logra un desempeño/akshon di kalidat.”. Durante di e enkuentro 8 NGO a kompartí nan ideanan konkreto pa ku finansiamentu. 

E siman binidero NGO Platform lo kuminsá ku e enkuentronan individual pa yuda e NGOnan aki skibi nan proyekto i entregá pa yega na finansiamentu di nan proyekto. Ademas di asistí NGOnan pa den skibimentu di nan petishon pa finansiamentu, NGO Platform lo stimulá NGOnan ehekutá proyektonan tambe konhuntamente. 

Pa mas informashon relashoná ku e servisio aki por tuma kontakto ku Ximarella de Palm na telefon +599717-2366 òf via di email info@ngobonaire.org

Share This
error: Content is protected !!