KRALENDIJK – Djamars mainta a inisiá ku sakamentu di koral for di fondo di laman, sùit di waf ‘Nelson ‘Nelo’ Craane’. E motibu ku ta bai saka e koralnan den e área ta debí ku ta bai konstruí, esta hasi e waf menshoná mas largu. Miembronan di Stinapa huntu ku otronan, ta bai hasi e trabou pa saka e koralnan, i hiba nan den e área di Klein Bonaire. Momentu ku kuminsá ku e trabounan, kaminda lo bati pipa den fondo di laman, esaki por destruí e koralnan na e sitio. Pa e motibu aki, pa evitá ku ta pèrdè e koralnan, a opta pa saka nan i hiba nan na un otro lugá, pa nan kontinuá ku bida. Riba potrèt awe mainta momentu ku algun persona a baha den laman pa kuminsá ku e trabou ya menshoná i e pipanan ku lo bai bati den fondo di laman. 

Share This
error: Content is protected !!