KRALENDIJK – E Áwaseru ku a kai den oranan di mardugá kombina ku bientu fuerte, a laga tras basta destrukshon i problema serio pa un famia. Debí na e bientu fuerte ku tabata kombiná ku e áwaseru, esaki a pone ku dak di kas di un famia a bula bai. Ta trata di un kas situá den sentro di suidat. Debí ku e kas a pèrdè dak, e famia mester a bai un otro sitio. Un situashon hopi fastioso.

E Flamingo ku tin na Malekon dilanti di ofisina di duana trahá ku artíkulonan resiklá a keda bentá riba suela i destruí. Esaki a sosodé debí na e bientu fuerte kousa dor di e mal tempu. Riba potrèt por mira e Flamingo kon el a keda despues ku e no por a soportá e bientu fuerte di mardugá.  

Por a nota ku un parasòl grandi na un restorant kant’i awa na altura di Chachacha bich tambe a keda destruí pa bientu fuerte.

Share This
error: Content is protected !!